Nakon nekoliko uspješnih gostovanja, predstava “Ekselencije”, nastala u produkciji Kulturno – informativnog centra “Budo Tomović”, biće izvedena na sceni Dodest 4. maja, od 20 časova.

U predstavi čiji tekst i režiju potpisuje pisac i dramaturg Obrad Nenezić igraju Žaklina Oštir i Jovan Dabović. Scenografiju je radio Darko Musić, kostime Vera Šoškić, ton Vladan Pićurić, a svijetlo Dražen Milić.

Duhovita drama “Ekselencije” je priča o izgubljenim identitetima. Međutim, u ovoj duhovitoj drami niko ne tjera junake da izgube svoj identitet, osim njihovih nesuvislih ambicija i apetita za uspjehom, koji im se čini nadohvat ruke…

Ulaznice se mogu kupiti na biletarnici KIC-a po cijeni od pet eura.