U okviru LINK projekta kolaborativnih metoda učenja pozorišne produkcije, mr Ana Letunić docent na Akademiji dramskih umjetnosti u Zagrebu održaće 18. maja u 15:30 online predavanje i radionicu  na temu Kuriranje u izvedbenim umjetnostima.

Ana Letunić diplomirala je izvedbene studije na Univerzitetu u Warwicku i Univerzitetu umetnosti u Beogradu, u sklopu programa “Master in International Performance Research (MAIPR)” te specijalizirala kuriranje u izvedbenim umjetnostima na Univerzitetu u Salzburgu i Univerzitetu LMU Munich. Radila je kao producentkinja i kustosica sa organizacijama i evropskim projektnim mrežama u polju savremenog pozorišta, savremenog plesa i performansa u Hrvatskoj, Holandiji, Njemačkoj, Srbiji, SAD-u, Švajcarskoj i Velikoj Britaniji. Trenutno radi kao docentkinja kazališne produkcije na Akademiji dramske umjetnosti u Zagrebu, saradnica festivala Tanz im August Berlini voditeljica umjetničke organizacije “Mašina”. Učestvovala je na brojnim međunarodnim konferencijama, profesionalnim treninzima i istraživačkim projektima te objavila poglavlja u knjigama i članke prevedene na engleski, njemački, francuski i turski jezik. Trenutno je doktorantica na Univerzitetu umetnosti u Beogradu i Sveučilištu u Hildesheimu a njen doktorski projekt nagrađen je stipendijom DAAD (German Academic Exchange Service) te nagradom “Research Boot Camp” evropske mreže ENCATC.