Povodom smrti doajena crnogorskog pozorišta, Gojka Burzanovića, ministarka kulture i medija Maša Vlaović uputila je telegram saučešća njegovoj porodici.

“Odlaskom Gojka Burzanovića crnogorska pozorišna umjetnost ostala je bez umjetnika koji je svojim talentom i osebujnošću ostavio upečatljiv trag u crnogorskom i jugoslovenskom glumištu. Ekspresivnošću i snagom svojih izvedbi, Burzanović je izgradio poseban scenski personalitet, što ga je, uz njegovu nekonvencionalnost i žanrovsku prilagodljivost, učinilo glumcem koji je jednako vladao scenama klasičnog i alternativnog pozorišta. Zato će lik i djelo Gojka Burzanovića ostati uzorit model svakome ko daske koje život znače vidi kao neiscrpno polje umjetničkog tragalaštva “, navela je Vlaović.